काठमाडौं,भारतकाे गुजरात राज्यमा पर्ने माेर्वि झाेलुङ्गे पुल भत्किदा मर्नेकाे संख्या १९१ पुगेको छ।
सय वर्ष पुरानाे साे झाेलुङ्गे पुल गत ६ महिनादेखि बन्द रहेकोमा २करोड भारुकाे लागतमा मर्मत भएकोले दिपावलीकाे अवसर पारेर खाेलिएकाे थियाे।
हिजाे आइतबार छठ पर्वकाे अवसरमा ७६५ फिट लामाे र ५ फिट चौडा साे पुलमा अत्यधिक भिडकाे कारण भार थाम्न नसकेर भत्किएको जनाइएको छ। आइतबार साँझ नेपाली समयानुसार साँझकाे ६:४५ बजे साे पुलमा ५०० जनाजति मानिसहरु भएकाे अनुमान गरिएको छ।साे पुलमुनि १५ फिट गहिराईकाे पानी रहेकाेले पौडिन नसक्नेले ज्यान गुमाएको भारतीय संचारमाध्यमले जनाएको छन्। मृतककाे संख्या बढ्नसक्ने र १७० जनाकाे जिवितै उद्धार गरिएको बताइएको छ।
प्रतिक्रिया