काठमाडौं,काठमाडौंमा सम्पन्न अनेरास्ववियुकाे २३ओ महाधिवेशनबाट समिक बडाल अध्यक्षमा निर्वाचित हुनुभएको छ।उहाँले निकटतम प्रतिद्वन्द्वी आरसि लामिछानेलाई पराजित गर्नुभएको हाे।
प्रमुख निर्वाचन अधिकृत कुमारप्रसाद खकुरेलकाे अनुसार बडालले ९६२ मत प्राप्त गर्दा लामीछानेले ३५६ मत प्राप्त गरे।उपाध्यक्षमा गाेविन्द नारायण घर्ती ,मर्यादा विष्ट र धर्म गिरी निर्वाचित भएका छन् भने सन्जिव धिताल,सुजन कडरिया,प्रकाश पौडेल ,दिपेश प्रसाईं,अन्जना शिवाकोटी ,आरती भट्टराई र विनिता काफ्ले सचिवमा तथा सङ्गम अर्याल काेषाध्यक्षमा निर्वाचित भएका छन्।
महाधिवेशनमा १,५८८ जना प्रतिनिधि र पर्यवेक्षकको सहभागीता रहेको र दुइवर्षे कार्यकालकाे १७ पदाधिकारी सहित १९९ सदस्यीय केन्द्रीय कमिटी निर्वाचित भएकाे बताइएको छ।
प्रतिक्रिया