काठमाडौ,त्रिवि मैदान किर्तिपुरमा आज भएको नेपाल र नामिबियाबिचकाे लिग टु क्रिकेट म्याचमा नेपालले कुशल भूर्तेलकाे शानदार ब्याटिङकाे मद्दतले नामिबियालाई २ विकेटले पराजित गरेकाे छ।
नेपालले ४७.४ ओभरमा ८ विकेटको क्षतिमा २८६ रन बनाउदै लक्ष्य भेटेकाे थियो । यसअघि नामिबियाले ५० ओभरमा सबै विकेट गुमाउँदै २८५ रन बनाएको थियाे।
नेपालकाे लागि कुशल भूर्तेलले ११३ बलमा १० चौका र ४ छक्काकाे मद्दतले ११५ रन बनाए।कप्तान राेहित पौडेलले ७२ रन,ज्ञानेन्द्र मल्लले २५ रन र सन्दिप जाेराले २८ रन जाेडे।करण केसीले १२ बल खेल्दै १ चौका र २ छक्काकाे मद्दतले अविजित २० रन बनाए।
उता नामिबियाकाे लागि रुबेन ट्रम्पलमेेन र जान निकाेलले ३,३ तथा बर्नाड स्टाेल्कज र तांगेनी लुंगामाेनीले समान १,१ विकेट लिए ।
प्रतिक्रिया