काठमाडौं,निर्वाचन आयाेगले ताेकिएकाे समय कार्तिक ४ गतेसम्ममा गत स्थानीय निर्वाचनमा खर्चको विवरण नबुझाएको उम्मेदवारहरुलाई जरिवानाको समयसिमा दिएकोमा जरिवाना नबुझाएको कारण १४५ जना प्रतिनिधि सभाकाे समानुपातिक उम्मेदवारहरुकाे उम्मेदवारी खारेज गरेकाे छ।
खारेजी भएका उम्मेदवारहरुमा सबैभन्दा बढि राष्ट्रिय जनमाेर्चाका २४ जना र नेकपा मालेका १७ जना हुनुहुन्छ।उता लाेसपाकाे १६ उम्मेदवार ,जसपाकाे १० उम्मेदवार र नेपालकाे लागि नेपाली पार्टीको १० उम्मेदवारकाे पनि उम्मेदवारी खारेज भएकाे छ।
जनमत पार्टीको ६,जनमुक्तिकाे ५,राप्रपाकाे ४,जनतादलकाे ४,नागरिक उन्मुक्ति पार्टीको ४,नेमकिपाका ३,नेपाली काङ्ग्रेस (बिपी)काे ३,र नेकपा माओवादी केन्द्रकाे ३ समानुपातिक उम्मेदवारकाे उम्मेदवारी खारेज भएको निर्वाचन आयाेगले जनाएको छ।
प्रतिक्रिया