मिस लिम्बूको धरानमा अडिशन

धरान,सुनसरीकाे धरानस्थित चौठाे रेष्टुरेन्टमा प्रदेश १ काे सम्मान मिस लिम्बू २०७९ सिजन ६ काे अडिसन सम्पन्न भएकाे छ।

प्रदेश १ का विभिन्न ६ जिल्लाका १४ जना प्रतिष्पर्धीहरुले मिस लिम्बू प्रदेश १ का लागि प्रतिष्पर्धा गरिरहेका छन्।

ताप्लेजुङबाट कृतिका चाेङवाङ र राेजा मादेन,पाँचथरबाट काजल सेलिङ,केन्जल याेङहाङ,उषा शिगु,विपिका सेलिङ र तागेरा फुङ नेम्वाङ ,झापाबाट भेनुमा पाहिम, माेरङबाट  नुमा कुरुम्वाङ र ज्वाला कुरुम्वाङ,धनकुटाबाट नुमा चेम्जोङ,अनुषा पार्घरी र कृतिका इङनाम तथा तेह्रथुमबाट नितन लिम्बू सहभागी छन्।

मिना सिंगककाे संयाेजन तथा मेरिना तुम्साकाे कार्यक्रम सन्चालन रहेकाे साे कार्यक्रमकाे निर्णायकमा कला सुब्बा,यासेली याेङहाङ,किशाेर सम्बाहाम्फे लगायत हुनुहुन्छ ।