काठमाडौं, युरोपकै प्रतिष्ठित फुटबल युरो कप २०२४ जर्मनीमा शुरु भएको छ ।
आज बिहान म्युनिखको एलिनाज एरिनामा भएको उदघाटन खेलमा आयोजक जर्मनीले स्कटल्याण्डलाई ५-१ ले हरायो । उसले महत्त्वपूर्ण ३ अङ्क जोड्यो।
जर्मनीको लागि फ्लोरियन विर्टजले १० मिनेटमा गोल गरे । जमाल मुसैलाले १९ मिनेट र पहिलो हाफको अतिरिक्त समयमा काई हार्भेजले पेनाल्टीमा गोल गरेपछि पहिलो हाफमा जर्मनी ३-० ले अघि भयो ।
उता दोश्रो हाफमा निकलस फुलक्रुगले ६८ मिनेटमा र एम्रे कानले अतिरिक्त समयमा एक गोल गरे। स्कटल्याण्डलाई एन्टोनियो रुडिगरले ८७ मिनेटमा आत्मघाती गोल उपहार दिए ।
१० खेलाडीमा सिमित स्कटल्याण्डका रायन पोर्टियसले ४४ मिनेटमा रेड कार्ड पाएका थिए ।
आज साँझ ६:४५ मा हंगेरी र स्विटजरल्याण्ड, ९:४५ मा स्पेन र क्रोसिया तथा १२:४५ मा इटाली र अल्बानिया भिड्नेछन् ।
प्रतिक्रिया