काठमाडौं,आइसिसि विश्वकप क्रिकेटको युएईमा भएकाे त्रिकोणाात्मक क्रिकेट सिरिज अन्तर्गत आज भएको खेलमा नेपालले पपुवा न्युगिनीलाई ४ विकेटले हराएको छ।
दुवई इन्टरनेशनल क्रिकेट स्टेडियममा पपुआ न्युगिनीले दिएको २०४ रनकाे लक्ष्य नेपालले ४५.२ ओभरमा ६ विकेट गुमाएर भेट्टायाे।
नेपालकाे जितमा कुशल भूर्तेल र आशिफ शेखले ७६ रनको उल्लेख्य साझेदारी गरे।कुशलले ६९ बलमा ५ चौकाकाे मद्दतले ५६ तथा आशिफले ३९ बलमा ५ चौकासहित ४४ रन बनाए। कुशलकाे याे चौथाे अन्तर्राष्ट्रिय एकदिवसीय अर्धशतक हाे।दिपेन्द्र सिंह ऐरीले २२,राेहित पौडेलले २० तथा कुशल मल्लले १२ रन जाेडे।
पिएसजीकाे लागि असद भालाले ३ र सेसेबाउ र नर्मन भानुआले १,१ विकेट लिए।
यसअघि पिएसजीले टस हारेर ५० ओभरमा ९ विकेट गुमाई २०३ रन बनाएको थियाे।कप्तान असद भाला र चाड भाेपरले ३६,३६ रन तथा सेसे बाउले ३१ रन बनाउदा गुल्सन झाले ३,कुशल मल्लले २ तथा साेमपाल कामी,प्रतीक जिसी र करण केसीले समान १/१ विकेट लिए।
प्रतिक्रिया