त्रियुगा,उदयपुर/यहि मंसिर ४ गते हुन गइरहेको प्रतिनिधि सभाकाे चुनावमा दुइ संसदिय सिट रहेको उदयपुरकाे प्रतिनिधि सभाकाे क्षेत्र नं १ बाट परराष्ट्रमन्त्री डा.नारायण खड्का फेरिपनि चुनावी प्रतिष्पर्धामा हुनुहुन्छ ।२०७४ सालकाे चुनावमा नेपाली काङ्ग्रेसले जितेको २३ सिटमध्ये उदयपुर -१ पनि थियाे।
२०७४ सालकाे परिदृश्यभन्दा अहिलेकाे परिदृश्य फेरिएको छ।माओवादी र नेकपा एमाले अहिले अलगअलग मात्र छैनन् माओवादी सहितको एमाले फुटेर बनेकाे एकीकृत समाजवादीकाे साथ र सहयाेेेग परराष्ट्रमन्त्री डा.खड्कालाई छ।यहि गठबन्धनको ताप र रापमा पूर्वि उदयपुरका त्रियुगा,बेलका नगरपालिका र चौदन्डीगढी गाँउपालिका समेटिएको उदयपुर -१ मा गत स्थानीय निकाय निर्वाचनमा निकायप्रमुखहरुकाे प्राप्त मतको आधारमा डा.खड्का विपक्षी भन्दा ५,३७५ मतान्तरबाट सुरक्षित हुनुहुन्छ ।गठबन्धनको तर्फबाट २ पालिकाप्रमुखसहित नेपाली काङ्ग्रेसका उम्मेदवारहरुले ३२,०९२ मत र नेकपा एमालेका उम्मेदवारहरुले १ पालिकाप्रमुखसहित २६,७१६ मत ल्याएका थिए ।
गत स्थानीय निकाय निर्वाचनमा नेपाली काङ्ग्रेसले बेलका र त्रियुगा नगरपालिका जित्दा नेपाली काङ्ग्रेसका उम्मेदवारहरुले १०,१२० मत र १३,९५९ मत ल्याउदा नेकपा एमालेका उम्मेदवारहरुले ६,९८० मत र ११,८७३ मत पाउनुभएकाे थियाे।
उता चौदन्डीगढी गाँउपालिकामा भने नेकपा एमालेले ८,८६३ मतले अध्यक्ष जित्दा नेपाली काङ्ग्रेसले ८,०१२ मत पाएकाे थियाे।
प्रतिक्रिया