इलाम-१(ख)का उम्मेदवार शमशेर राई भन्नू हुन्छ “अधुरो याेजना पूरा गर्ने र सर्वस्विकार्य कानुन निर्माणमा जाेड”

विर्तामोड,नेपाली काङ्ग्रेसको इलाम-१(ख)का प्रदेश सदस्य उम्मेदवार तथा पूर्व राेङ गाउँपालिका अध्यक्ष शमशेर राईले आफ्नो कार्यकालका विकाशनिर्माणका अधुरा याेजनाहरु पूरा गर्न आफू प्रदेश सभा सदस्यकाे उम्मेदवार बनेकाे बताउनुभएको छ।

राेङ-५,स्थित बेशीशहरमा हालै आयाेजित कार्यक्रमलाई सम्बाेधन गर्दै राईले थप्नुभयाे”राेङका विभिन्न वडाहरुबाट झापा झर्ने विभिन्न बाटाघाटाहरु स्तराेन्नतीका साथै मेराे कार्यकालका विभिन्न अधुरा याेजनाहरु पूरा गर्नेछु” स्थानीय निकाय र संघीय सरकारले ल्याउने कानुनहरुमा सामन्जस्य गरेर सर्वस्विकार्य कानुन बनाउनमा जाेड दिने उहाँको अभिव्यक्ति थियाे।

हजारौं कार्यकर्ताहरुकाे भिड रहेकाे साे कार्यक्रममा नेकपा एसका बरिस्ठ नेता झलनाथ खनाल प्रमुख अतिथी र नेपाली काङ्ग्रेसको सह-महामन्त्री विश्वप्रकाश शर्मा अतिथी हुनुहुन्थ्यो ।