विराटनगर,साउन २४ गते अगस्ट ९ तारिख विश्व आदिवासीजनजाति दिवशकाे अवसरमा काेशी प्रदेश सरकारले सार्वजनिक विदा दिने भएको छ।प्रदेश राजपत्रमा यसबारे उल्लेख गर्दै सार्वजनिक विदा दिइने भएको हाे।
संयुक्त राष्ट्रसंघकाे साधारणसभाले सन् १९९३ देखि अगस्ट ९ तारिखलाई विश्व आदिवासीजनजाति दिवश घाेषणा गरेकाे हाे।आदिवासीजनजाति समुदायको मानवअधिकारको रक्षा र सम्मान गर्न विभिन्न आयाेगले दिएको प्रतिवेदनलाई सम्मान गर्दै संयुुक्त राष्ट्र संघकाे साधारणसभाले अन्तर्राष्ट्रिय आदिवासीजनजाति दिवश ताेकेपछि नेपालमा पनि अन्तर्राष्ट्रिय आदिवासीजनजाति दिवश विभिन्न कार्यक्रमसहित मनाइने गरिएको हाे।
नेपालकाे संविधान २०७२ काे धारा २६१ मा आदिवासीजनजाति आयाेगकाे बारेमा उल्लेख गरिएको छ।६ वर्षे पदावधि रहेकाे आयोगकाे अध्यक्ष र सदस्यहरु राष्ट्रपतिले संवैधानिक परिषदकाे सिफारिसमा नियुक्त गर्ने संबैधानिक प्रावधान रहेकाे छ।
नेपालकाे संविधान २०७२ काे धारा ४२ काे उपधारा १मा आर्थिक सामाजिक वा शैक्षिक दृष्टिले पछाडि परेका महिला,दलित,आदिवासीजनजाति,मधेसी,थारु,मुस्लिम,पिछडा वर्ग,अल्पसंख्यक,सिमान्तकृत अपाङ्गता भएकाे व्यक्ति,लैंगिक तथा यौंनिक अल्पसंख्यक,युवा,किसान,श्रमिक,उत्पिडित वा पिछडिएको क्षेत्रका नागरिक तथा आर्थिकरुपमा विपन्न खस आर्यलाई समानुपातिक समावेशी सिद्धान्तको आधारमा राज्यको निकायमा सहभागिताकाे हक हुने कुरा उल्लेख गरिएको छ।
प्रतिक्रिया