नेपाल शिक्षक संघ झापाकाे नवनिर्वाचित जिल्ला कार्यसमितिलाई प्रमाणपत्र तथा पद हस्तान्तरण

विर्तामोड,नेपाल शिक्षक संघ झापा जिल्ला कार्य समितिकाे नवनिर्वाचित पदाधिकारी तथा सदस्यहरुलाई आज गिरिजाप्रसाद स्मृति भवन विर्तामोडमा एक कार्यक्रम गरेर निर्वाचित प्रमाणपत्र वितरण तथा पद हस्तान्तरण गरियाे।

नेपाली काङ्ग्रेस झापाकाे सभापति देउमान थेेबेकाे प्रमुख आतिथ्यतामा सम्पन्न साे कार्यक्रमकाे अध्यक्षता निर्वाचन मण्डलकाे संयाेजक प्रकाश भन्डारीले गर्नुभएको थियाे। साे कार्यक्रममा नवनिर्वाचित जिल्ला कार्यसमितिको पदाधिकारी सहित जिल्ला सदस्यहरु र प्रदेश अधिवेशन प्रतिनिधि तथा महाधिवेशन प्रतिनिधिहरुलाई प्रमाणपत्र वितरण तथा निर्वाचित पालिका अध्यक्षहरु लगायत पूर्व पालिका अध्यक्षहरुलाई प्रमाणपत्र र मायाकाे चिनाे वितरण गरिएकाे थियाे।

सचालाई सम्बाेधन गर्ने क्रममा प्रमुख अतिथी थथा सभापति देउमान थेबेले शिक्षकहरुकाे एकताकाे अधिवेशनले नयाँ उत्साह ल्याएकाे र याे उत्साहले स्ववियु निर्वाचन र आसन्न महासँघकाे निर्वाचनमा प्रत्यक्ष प्रभाव पार्ने बताउनुभयाे। उहाँले अब हुने काेशी प्रदेश नेपाल शिक्षक सँघकाे प्रदेश अधिवेशनमा याे अभूतपूर्व एकताकाे कारण झापाबाट अध्यक्षकाे उम्मेदवार तथा शिक्षक नेता तेजप्रसाद चौलागाईंकाे विजय काेशी प्रदेश अध्यक्षमा हुने विश्वास व्यक्त गर्नुभयो ।

साे कार्यक्रममा नवनिर्वाचित अध्यक्ष ताेयानाथ दाहाल,निवर्तमान अध्यक्ष नेत्र खरेल,शिक्षक नेता तथा काेशी प्रदेश शिक्षक संघका अध्यक्षका प्रत्याशी तेजप्रसाद चौलागाईं लगायतले बाेल्नुभएकाे थियाे।

आजै पदबहालीकाे साथै नेपाल शिक्षक संघ झापाकाे पहिलाे बैठकले निर्वाचन मन्डल लगायत अधिवेशन सफल पार्न अहाेरात्र खटिनु हुने सबैमा हार्दिक धन्यवाद ज्ञापन गर्नुकाे साथै यहि चैत्र ९,१० र ११ गते सम्पन्न हुने काेशी प्रदेश अधिवेशनमा झापाबाट शिक्षक नेेता तेजप्रसाद चौलागाईंलाई काेशी प्रदेशकाे नेपाल शिक्षक संघकाे अध्यक्षकाे उम्मेदवार बनाउनकाे साथै निर्वाचित गराउन सबै जिल्लाका जिल्ला कार्यसमिति,प्रदेश तथा संघिय महाधिवेशन प्रतिनिधिहरुलाई हार्दिक अनुराेध तथा अपिल गर्ने निर्णय गरेकाे जनाइएको छ।