काठमाडौं,त्रिवि क्रिकेट मैदानमा केहिबेर अघि सम्पन्न आइसिसि विश्वकप क्रिकेट लिग टु अन्तर्गत त्रिदेशिय तेस्राे खेलमा नेपालले नामिबियालाई ३ विकेटले पराजित गरेकाे छ।नामिबियाकाे याे लगातार तेस्रो हार हाे भने नेपालकाे तेस्राे जीत।
नामिबियाले दिएकाे २७५ रनकाे लक्ष्य नेपालले ४७.२ ओभरमा ७ विकेट गुमाएर भेट्टायाे।नेपालकाे जितमा आशिफ शेख,ज्ञानेन्द्र मल्ल र कुशल मल्लले अर्धशतक प्रहार गरे।
आशिफले ९८ बलमा ८चौका र २ छक्काकाे मद्दतले ८१ रन तथा ज्ञानेन्द्रले ७४ बलमा ५ चौका र ३ छक्काकाे मद्दतले ६५ रन बनाए।कुशल मल्लले ६२ रनकाे याेगदान गरे।
नामिबियाकाे लागि रुबेन ट्रम्पलमेन र बेनार्ड स्ट्रकाेजले समान २,२ विकेट लिए।
यसअघि व्याटिङ गरेकाे नामिबियाले ५० ओभरमा ६ विकेट गुमाएर २७४ रन बनाएकाे थियाे।नामिबियाकाे लागि जान ग्रिनले ११ चौका र १ छक्काकाे मद्दतले ७५ रन तथा पिकि फ्रान्सले ४९ रन बनाए।
प्रतिक्रिया