दमक,चुनावी महाभिडन्तमा दाेश्राेपटक आमनेसामने भएका झापा-५ का नेपाली काङ्ग्रेसको उम्मेदवार डा.खगेन्द्र पान्डव अधिकारीले प्रतिद्वन्द्वी नेकपा एमालेका अध्यक्ष केपि शर्मा ओलीले यसपटकको निर्वाचनमा बेसारकाे राेटी खाने बताउनुभएको छ।एक प्रसङ्गमा ओली जस्तै उखानटुक्का उल्लेख गर्दै डा.अधिकारीले साे कुरा बताउनु भयाे।
गत स्थानीय निर्वाचनमा दमकमा राप्रपालाई सहयाेग गरिएको र साे गठबन्धन प्रतिनिधि सभाकाे चुनावसम्म रहने उल्लेख गर्दै विज्ञानमा पिएचडी डा.अधिकारीले थप्नु भयाे “हामीले असारमा राप्रपाकाे खलाेमा धान थ्रेसर गर्यौ अब हाम्रो खलाेमा थ्रेसर गर्ने हाे।” डा.अधिकारीले सुकुम्बासी,भाेकाे,गरिव जनताकाे पेट मारेर भ्यु टावर निर्माणकाे कुनै तुक र अर्थ नरहेको बताउदै दृश्यावलाेकनकाे लागि केही माथि चुलीमा गए आन्तरिक पर्यटनको विकास हुने बताउनुभयो ।
पटकपटक जितेर याे पटक पनि जित्नखाेज्दा ओलिले बेसारकाे राेटी खाने चर्चा गर्दै उखान सुनाउनुभयो “एउटा मान्छे सधैं पाहुना जादा बेसारकाे पाेकाे काेसेलि लादाे रहेछ,महिनौंसम्म पाहुना नगएपछि घरमा जहानछाेराछाेरीले सम्झिएकाे कुरा घरबेटीले सम्झाउदा बेसार नै नसकि के जानू भनेछ। अब घरबेटीले बेसारकाे सिङ्गै राेटी पकाएर दिएपछि बेसारकाे तिताे राेटी खान नसकि घरतिर भागेछ,त्यसैले याे चाेटी बेसारकाे राेटी ओलीले खानेछ।”
प्रतिक्रिया