कविता- के को घमण्ड
-शिवराज कोइराला
आवाज मधुरो भएर के भो त ?
रहर छ भने आएर सुन त ।
के सीप हो ? तिमीले जानेको छ कति?
के को घमण्ड तिमी नै भन त ?
धन दौलत उमेर सदा रहन्न,
छुच्याइ गर्दा कसैले सहन्न ।
सीप बेची खाउ छुल्याई हुँदैन्,
आफ्नै जे ठान्छौं, तिमीसँग रहन्न ।
सादा जीवनमा रमाउन सिक।
बेठीक के हो ? कुन कुरा ठीक,
सदा बिचारी अघि हिड्नेलाई
साथी संगी सब रहन्छन् समीप !
-विराटनगर
(नेपाल शिक्षक संघ, मोरङका पूर्व अध्यक्ष शिवराज कोइराला निवृत्त शिक्षक हुनुहुन्छ । स्वच्छन्द प्रकारका छन्दमा कविता लेख्नुहुने शिव सरको कवितामा सामाजिक सन्देश खुलेको छ । तपाईपनि आफ्ना रचनाहरु हिलिहाङ साहित्यमा पठाउन सक्नु हुनेछ ।)
प्रतिक्रिया