ताप्लेजुङ,ताप्लेजुङ जिल्लाको पाथीभरा क्षेत्रमा आज एकाबिहानै बोलेरोमा करेन्ट लागेर दु:खद घटना भएको छ।
पाथीभरा दर्शनको लागि फूङलिङबाट पाथीभरा फेदितर्फ जाँदै गरेको मे.१ ज ३०११ नंको बोलेरोमा बिजुलीको तार खसेको थियो । सो दु:खद घटनामा परेर चार जनाको निधन हुनुको साथै दुईजना घाइते भएको ताप्लेजुङ प्रहरीले जनाएको छ ।
ताप्लेजुङ प्रहरीको प्रारम्भिक जानकारी अनुसार पाथीभरा मुक्कुमलुङ क्षेत्रको तेर्से देउराली नजिकै बोलेरो गाडिको हुडमा बिजुलिको तार खसेको थियो । बिजुलीको तार खसेर करेन्ट लाग्दा फुङलिङ नगरपालिका १० का सवारी चालक वर्ष ४२ का दुर्गा भट्टराई, ललितपुर जिल्लाकी वर्ष १६ की आध्या आचार्य, झापा जिल्लाका वर्ष ६९ की सरिता पौडेल, उहाँका श्रीमान् झापाकै वर्ष ७० का विनोद पौडेलको मृत्यु भएको हो ।
गाडीमा चालक सहित ६ जना सवार रहेको बताइएको छ ।
अन्य घाईतेहरुमा ललितपुरकी वर्ष ४५ की सविना आचार्य र उहाँका छोरा अभियम आचार्य छन्।
घाइतेहरुलाईउपचारका लागि जिल्ला अस्पताल ताप्लेजुङ ल्याइएको जनाइएको छ । घाईतेहरुको अवस्था गम्भिर रहेको बताइएको छ ।
प्रतिक्रिया