काठमाडौं, नेपाल शिक्षक महासंघले काठमाडौमा जारी शैक्षिक हड्ताल र आन्दोलनलाई थप प्रतिबध्दता र सहभागिताका साथ अघि बढाउने भएको छ । नेपाल शिक्षक महासंघको अध्यक्ष लक्ष्मीकिशोर सुवेदीले आज सामाजिक सन्जाल मार्फत यस्तो तथ्य सार्वजनिक गर्नु भएको हो ।
अध्यक्ष सुवेदीले आन्दोलनको बारेमा सामाजिक सन्जालमा लेख्नु भएको छ-
आदरणिय साथीहरु,
१.अब हामी निर्णायक मोडमा आइपुगेका छौं । हामीले उठाएका विषयमा राज्य यथावत् अनुदार देखिन्छ । त्यसैले अझ बढी प्रतिबध्दता र सहभागिताका साथ आन्दोलन अघि बढाउनुको विकल्प छैन ।
२.देश भरिका सबै साथीहरु आन्दोलनको यो निर्णायक घडीमा हामी तपाईंलाई काठमाडौंको आन्दोलनको मोर्चामा पर्खिरहेका छौं । यो आन्दोलनले तपाईंको सक्रिय सहभागिता खोजिरहेको छ । तुरुन्तै काठमाडौं आइपुग्नुहोला ।
३.अनधिकृत विचार, अफवाह, षडयन्त्र र भ्रामक समाचार प्रति सचेत रहनुहोला ।
“मेरो आन्दोलन, मेरो सहभागिता ।”
“बलियो उपस्थिति बलियो आन्दोलन, बलियो आन्दोलन बलियो उपलब्धि ।”
प्रतिक्रिया