झापा झापाको बिर्तामोड नगरपालिका–५, हिकोला मोडमा गत साँझ भएको सवारी दुर्घटनामा इलामकी महिलाको मृत्यु भएको छ ।
दुर्घटनामा इलामको माई नगरपालिका–४, गैरीगाउँकी ३० वर्षीया तुलसा पाँचकोटीको मृत्यु भएको प्रहरीले जनाएको छ ।
बिर्तामोड बसपार्कबाट पश्चिम बस स्टेन्डतर्फ जाँदै गरेको प्र. १–०२–००२ ख ००३५ नम्बरको बसले प्र.१–०१–०१३ प ५७०० नम्बरको मोटरसाइकललाई ठक्कर दिएको थियो ।
दुर्घटनामा गम्भीर घाइते पाँचकोटीलाई उपचारका लागि बिएन्डसी अस्पताल लगिएको थियो । उपचारको क्रममा उनको मृत्यु भएको हो । दुर्घटनामा माई नगरकै ३६ वर्षे ठिरप्रसाद सुवेदी घाइते भएका छन् ।
दुर्घटनापछि बस र बस चालक २९ वर्षे हिमाल बिक प्रहरी नियन्त्रणमा छन् ।
प्रतिक्रिया