नेपाल शिक्षक महासंघद्वारा आन्दोलनको क्रममा विद्यार्थी तथा अभिभावककाे समर्थन र ऐक्यबद्धताकाे अनुराेध ।

काठमाडौ,नेपाल शिक्षक महासंघले राजधानी केन्द्रित आन्दोलनमा साथ,सहयाेग र ऐक्यबद्धता जनाइदिनहुन सम्पूर्ण विद्यार्थी तथा अभिभावकहरुमा अनुराेध गरेकाे छ।केन्द्रीय अध्यक्ष कमला तुलाधर तथा महासचिव लक्ष्मीकिशाेर सुवेदीद्वारा हस्ताक्षरित विज्ञप्तिमार्फत साे कुरा जनाइएको हाे।

विज्ञप्तिमा भनिएकाे छ “नेपाल सरकार शिक्षा विज्ञान तथा प्रविधि मन्त्रालय संग गरिएको दुई पटकको सहमति छलफल संवाद गर्दा पनि सरकारले संसदमा दर्ता गरेकाे विधेयकले नेपाली शिक्षक कर्मचारीकाे मुलभूत मागमुद्धाकाे सम्बाेधन गरेकाे छैन्।यसैकारण शिक्षक महासंघ देशैभरकाे विद्यालय बन्द गरि आन्दोलनमा जान बाध्य भएको हाे।विद्यालय बन्दकाे कारण  पठनपाठनमा परेकाे बाधा विदाकाे दिनमा अध्यापन गरि पूरा गरिनेछ।बालबालिकाका गुरुहरुप्रति राज्यबाट बारम्बार भएको धाेका र छलकपटकाे कारण सिर्जित अवस्थालाई मनन गर्दै न्यायिक मागमुद्धामा शिक्षक कर्मचारीकाे आन्दोलनमा समर्थन,सहयाेग र ऐक्यबद्धता प्रकट गरिदिन हुन सबै विद्यार्थी र अभिभावकहरुमा हार्दिक अनुराेध गर्दछौं ।”