विर्तामोड,नेपाल शिक्षक संघ झापा जिल्ला कार्यसमितिको बैठक नेपाली कांग्रेस पार्टी कार्यालय,गिरिजा स्मृति भवन,झापाामा सम्पन्न भएको छ।जिल्ला अध्यक्ष ताेया दाहालकाे अध्यक्षतामा भएको साे बैठकमा सम्पूर्ण जिल्ला कार्यसमितिका पदाधिकारीहरु,सदस्यहरु तथा पालिका अध्यक्षहरु तथा काेशी प्रदेश अध्यक्ष तथा प्रदेश कार्य समितिका सदस्यहरुकाे उपस्थिति थियाे।
सचिव देवेन्द्र राजवंशीद्वारा संचालित साे बैठकमा अध्यक्ष दहालले सांगठनिक गतिविधिहरु प्रस्तुत गर्नुकाे साथै नेपाल राष्ट्रिय शिक्षक संगठनकाे कारण झापामा शिक्षक महासंघ गठन गर्न नसकिएको तर माेरङ,पाँचथर लगायत काेशी प्रदेशमा ७ जिल्लामा शिक्षक महासंघ गठन गरिएको बताउनुभयो ।
उता काेशीप्रदेश अध्यक्ष तेजप्रसाद चम्लागाईले भने प्रस्तावित विद्यालय शिक्षा ऐन शिक्षक मारा रहेकाे,शिक्षकहरुकाे प्रतिकुल रहेकाेले याे ऐनकाे विरुद्धमा आन्दोलन आवश्यक रहेकाेले सम्पूर्ण शिक्षकहरुकाे हकहितको लागि आन्दोलन गर्न तयार रहनुपर्ने र याे सम्बन्धमा नेपाल शिक्षक संघ संघिय कार्यसमितिले आन्दोलनको आव्हान गरेकाे बताउनुभयो ।विद्यालय कर्मचारी,राहत शिक्षक,वालविकास स.का.तथा उच्च माध्यमिक शिक्षकहरु एवम् निजी विद्यालयका शिक्षकहरुकाे नाममा अलगअलग आन्दोलनबाट निष्कर्ष ननिस्कने भएकोले एकिकृत आन्दोलनको विकल्प नरहेकाे चर्चा गर्नुभयो।
साे बैठकमा नेपाल शिक्षक संघ झापाकाे निवर्तमान अध्यक्ष नेत्र खरेलले पनि सम्बाेधन गर्नुभएको थियाे।
प्रतिक्रिया