सिडनी,अष्ट्रेलिया र न्यूजिल्यान्डमा भइरहेको फिफा विश्वकप महिला फुटबल प्रतियोगिता अन्तर्गत ग्रुप डि काे समूहचरणकाे खेलमा
१० खेलाडीमा सिमित एसियाली विजेता चीन हैटिलाई १-० ले हराउँदै महत्वपूर्ण ३ अंक बटुल्न सफल भएको छ।याे जीतसंगै चीन
राउन्ड १६ मा पुग्ने सम्भावनालाई जिवितै राखेकाे छ।
चीनकाे लागि ७४ मिनेटमा पेनाल्टी मार्फत एस. वाङले विजयी गाेल गरिन्।हैटिका खेलाडीले पेनाल्टी एरियामा चिनियाँ खेलाडी लिनयाङ झाङलाई खतरनाक फाउल गरेपछि पेनाल्टी पाएकाे थियाे। यसअघि २९ मिनेटमा आर. झाङ रेड कार्ड पाउदै बाहिरिएपछि चीन १० खेलाडीमा सिमित भएकाे थियाे।
दक्षिणी अष्ट्रेलियाकाे हिन्डमार्स स्टेडियममा भएको साे १०० मिनेटकाे खेलमा चिनियाँ गाेलकिपरले शानदार प्रदर्शन गर्दै हैटिका प्रहारहरुलाई निस्तेज बनाइन् ।५४% बल नियन्त्रणमा राखेको चीनले ४१७ पास खेल्दै ८ पटक पाेष्टप्रहार गरेकाे थियाे।इङ्गल्याण्डले भने डेनमार्कलाई १-० ले हराउदै ६ अंकको साथ शिर्षस्थानमा रहदा डेनमार्क र चीनकाे समान ३ अंक र हैटि अंकविहिन रहेकाे छ।
प्रतिक्रिया