फिदिम,पाँचथरकाे हिलिहाङ र फिदिम जाेड्ने हेवा खाेलामा अन्तत: डाइभर्सन निर्माण सम्पन्न भएकाे छ। डिभिजन सडक कार्यालय इलामले ह्यूमपाइप उपलब्ध गराएपछि डाइभर्सन निर्माण सम्पन्न भएपछि गत १० दिनदेखिको अवरुद्ध यातायात समेत सुचारु भएकाे छ।
मेची राजमार्गकाे फिदिम ताप्लेजुङ सडकखन्डकाे हेवाखाेलामा गत असार २ गते राती आएको बाढीले पक्की माेटरेवल पुल सहित अन्य पुलहरु र तमाेर करिडोरकाे बेलीब्रिज बगाएपछि यातायात अवरुद्घ भएको थियाे। यसरी ताप्लेजुङ र पाँचथरका माथिल्लो क्षेत्रकाे जनताहरुकाे सास्ती हटाउन हेवा खाेलामा तुइन र फड्के बनाइएको थियाे। विगत १० दिनदेखि हेवाखाेलामा यातायात राेकिएपछि ताप्लेजुङ र पाँचथरका याङवरक,हिलिहाङ र फालेलुङ गाँउपालिकामा दैनिक उपभाेग्य वस्तुहरुकाे अभाव बढेकाे बताइएको छ।
प्रतिक्रिया