सिन्धुलीको विपि राजमार्गमा स्कार्पियो सुनकोशीमा खस्यो,तिन जना बेपत्ताको पहिचान खुल्यो

काठमाडौं,सिन्धुलीस्थित विपि राजमार्गमा आज ११ बजे स्कार्पियो सुनकोशीमा खस्दा तिनजना बेपत्ता भएका छन्। सिन्धुलीको घुर्मी खुर्कोट खन्डको गोलन्जोर गाँउपालिका वडा नं ७ लौकुन नभघाट सडकबाट गाडी एक सय पचास मिटर तल सुनकोशी नदिमा खसेको सिन्धुली प्रहरीले जनाएको छ ।

बिएबी ७४६७ नम्बरको स्कारपियो गाडीमा प्राविधिक शिक्षा तथा व्यावसायिक तालिम परिषद सिटीइभिटी का दुइ निर्देशकसहित तिनजना र चालकसहित चारजना सवार थिए । तनहुँ भानु नगरपालिका-९ का सिटीइभिटीका कार्यालय प्रशासन शाखाका निर्देशक सहसचिव कृष्णबहादुर केसी,नवलपुर प्रगती नगरपालिका-७ का योजना महाशाखाका निर्देशक यमप्रसाद घुर्तेल र इलाम फाकफोकथुम-५ का विद्युत प्रशिक्षक भानु पौडेल तिनजना सुनकोशी नदिमा बेपत्ता भएको तथा दाङ राप्ती गाँउपालिका-६ का ३१ वर्षिय चालक कृष्ण चौधरी पौडिएर नदिबाट बाहिर निस्केको र मुख तथा हातमा चोट लागेको उनको शुभजिवन अु्स्पताल खुर्कोटमा उपचार भैरहेको बताइएको छ ।

राजधानीबाट खोटाङ गइरहेको सो सरकारी गाडी दुर्घटनामा परेको र बेपत्ताहरुको खोजी भइरहेको प्रहरीले जनाएको छ ।