विर्तामोड,विगत केहि दिनदेखि बढिरहेको अत्यधिक गर्मीको कारण झापा जिल्लाको अधिकांश विद्यालयहरुमा बिदा दिइएको छ । स्थानिय पालिकाको शिक्षा शाखाहरुले निर्णय गर्दै वर्षे विदाबाट मिलान हुनेगरि घटीमा १ दिनदेखि बढीमा ५ दिन विदा दिएको हो ।
कनकाई नगरपालिकाले जेठ १९ गते १ दिन तथा विर्तामोड र शिवसताक्षी तथा मेचीनगर नगरपालिकाले जेठ १८ र १९ गते २/२ दिन विदा दिएको बताइएको छ । उता कचनकवल र हल्दिवारी गाँउपालिकाले भने ५/५ दिन विदा दिइएको जनाइएको छ।
उता मोरङ जिल्लामा पनि रतुवामाई नगरपालिकामा ५ दिन र विराटनगर महानगरपालिकामा २ दिन तथा मिक्लाजुङ गाँउपालिकामा ३ दिन विदा दिइएको जनाइएको छ।
प्रतिक्रिया