फिदिम,फिदिम-८,घुमाउनेटारमा गतराती साढे एकबजे आगलागी भएको छ।आगलागीमा परेर २जनाको मृत्युु हुनाको साथै २जना घाइते भएको प्रहरीले जनाएको छ।
फिदिम-८ घुमाउनेटार स्थित मेघबहादुर गुरुङको घरमा आगलागी भएको र आगलागीमा परेर मेघबहादुर गुरुङको छोरी वर्ष २२ को ममता गुरुङ र कान्छी बुहारी वर्ष २३ को आशासिंह थेवे गुरुङ को निधन भएको पाँचथर प्रहरी प्रमुख प्रहरी नायव उपरीक्षक हरि खतिवडाले बताउनुभएको छ।
सातजना परिवार रहेकोमा अन्य दुइ जना ५५ वर्षिय मेघबहादुर गुरुङ र छोरा बिजेन्द्र गुरुङलाई घाइते अवस्थामा उद्धार गरिएको र तिनजना सामान्य रहेको बताइएको छ।
राती नै फिदिम नगरपालिकाकोबारुणयन्त्र, तमाखे प्रहरी चौकीकाे प्रहरी र स्थानिय को सहायतामा आगलागी नियन्त्रण गरिनुको साथै आगलागी नियन्त्रणको लागि नगरपालिकाको मेयर तथा प्रहरी नायव उपरीक्षक लगायतको टाेली घटनास्थल पुगेको थियाे।
घटनाको प्रारम्भिक विवरण संकलन अनुसार अनुमानित पचास लाख बराबरको क्षति भएको बताईएको छ।
प्रतिक्रिया