काठमाडौ,राजधानीकाे धुम्बाराहीमा पुष्पा न्यौपाने आत्मदाह प्रकरणमा प्रहरीले आत्महत्या दुरुत्साहनमा चारजनालाई पक्राउ गरिएकाे जनाएकाे छ।
दरवारमार्गस्थित केल्मी ब्रान्डकाे शाेरुम सन्चालिका बानेश्वर घर भएकी २६ वर्षिया पुष्पा न्यौपानेकाे झापा घर भइ धुम्बाराही बस्ने सुधन संग्राैलासँग २०७९ साल भदौ १८ गते इन्गेजमेन्ट भएकाे थियाे। पछि सम्बन्धमा दरार आएपछि २०७९ साल कार्तिक १७ गते सुधनकाे तर्फबाट गहना र दक्षिणा फिर्ता गरिएकाे थियाे।
यस पछि दुई परिवारकाे विवाद उत्कर्षमा पुगेकाे बेला गत शनिवार पुष्पाले धुम्वाराहीमा सुधनकाे घर अघि आफैलाई पेट्राेल छर्केर आगाे लगाएकाे थिइन्। पछि प्रहरीले उद्धार गरेर त्रिवी शिक्षण अस्पताल पुर्याएकाेमा अस्पतालले किर्तीपुरस्थित बर्न अस्पताल रेफर गरेकाेमा साेमबार बिहान उनकाे निधन भएकाे थियाे।
पुष्पाकाे परिवारले आत्महत्या दुरुत्साहनमा सुधन सहित परिवारकाे चारजना विरुद्ध किटानी जाहेरी दिएकाेमा प्रहरीले सुधनलाई पक्राउ गरेकाे तथा अदालतकाे आदेशबाट अन्यलाई पक्राउ गरेता पनि रिहा गरिएकाे प्रहरीवृत्त महाराजगन्जले जनाएकाे छ।
प्रतिक्रिया