रीता थाम्सुहाङ/फिदिम,३१ भदौ ,जनता समाजवादी पार्टी नेपाल पाँचथरका केन्द्रीय सदस्य प्रविण नेम्वाङकाे नेतृत्वमा जसपाका ५४ जनाले आज विज्ञप्ति जारी गरि जसपा नेपाल परित्याग गरेका छन्।
केन्द्रीय सदस्य प्रविण नेम्वाङ ,मलिषा याक्थुम्बा लगायतका ५४ जनाले नेतृत्वमाथि विभिन्न आराेप लगाउदै पार्टी परित्याग गरेको विज्ञप्तिमा जनाइएको हिलिहाङ डटकमलाई जानकारी प्राप्त भएकाे छ।पार्टी परित्याग गर्नेहरुमा अधिकांश फाल्गुनन्द गाउँपालिकाकाे हुनुहुन्छ ।
यसअघि हिजो मात्र इलामको पत्रकार तथा युवा नेता राम लिम्बू जसपा परित्याग गरि नेकपा(माओवादी केन्द्र )प्रवेश गरेका थिए ।
केन्द्रीय सदस्य प्रविण नेम्वाङ र मलिषा याक्थुम्बा यसअघि नेपाली काङ्ग्रेसमा सक्रिय हुनुहुन्थ्यो ।एकैपटक धेरैजनाले पार्टी छाड्नुलाई अर्थपूर्ण रुपमा हेरिएको छ।
प्रतिक्रिया