रीता थाम्सुहाङ/धरान,१३,असाेज,नगद रु २लाख र ताम्रपत्र सहितकाे पूर्वकाे मदन पुरस्कारको रुपमा परिचित विमल पुस्तकालयबाट प्रदान गरिने विमल कृति पुरस्कार २०७८को लागि उत्कृष्ट १० पुस्तककाे नाम सार्वजनिक गरिएकाे छ।
२०७८ सालमा प्रकाशित पुस्तकहरु मध्ये ४०जना लेखकहरुले पुरस्कारको निम्ति पुस्तक बुझाएको धरान-१८ मा अवस्थित विमल पुस्तकालयले जनाएको छ।साे मध्ये उत्कृष्ट १० पुस्तकमा कवितासंग्रह,उपन्यास र कथासंग्रह ३,३वटा र एक इतिहासकाे पुस्तक छन्।
कविता संग्रहमा दिपा राईकाे ‘यादकाे सन्दुक’,नरेश राईकाे ‘तेप्लायु’ र प्रणय शंकरकाे ‘कांसभाग’ रहेकाे छ। आख्यानमा कथा संग्रहहरु निर्मल तामाङकाे ‘जब हावा चल्छ’, दिलिप बान्तावाकाे ‘ताल्चा’ र सुनिता राई कन्दङ्बाकाे ‘तिउरी’ रहेका छन्।
उपन्यासमा कवितारामकाे ‘गुरु’,विशाल विश्वकर्मा ‘दार्जिलिङ भर्सेस दार्जिलिङ’ र बसन्त बस्नेतकाे ‘महाभारा’रहेका छन् ।ईतिहास तर्फ अर्जुनबाबु माबाेहाङ र अमित थेबे ‘मिहाङ’काे पुस्तक ‘सिरिजङ्गा,फाल्गुनन्द र इमानसिङकाे लेखाेट’रहेकाे छ।
पुरस्कार आगामी कार्तिक १८ गते राष्ट्रिय कविता महाेेत्सव संगै वितरण गरिने जनाइएको छ।
प्रतिक्रिया