रीता थाम्सुहाङ/थर्पु,६असाेज,नेपाली काङ्ग्रेस प्रदेश कार्य समिति “क”पाँचथरले यहि मंसिर ४गते हुने संसद सदस्य तथा प्रदेश सभा सदस्य निर्वाचनको चुनावी अभियान शुरु गरेकाे छ।
आज असाेज ६ गते याङवरक गाउँपालिकास्तरिय अगुवा कार्यकर्ता प्रशिक्षण तथा कार्यकर्ता भेला थर्पुमा गरिएकाे र साे प्रशिक्षण कार्यक्रमलाई प्रदेशस्तरिय नेता तथा जिल्ला कार्यसमितिको सदस्यहरु एवम् प्रदेश कार्य समितिका सभापति तथा सदस्यहरुले संयुक्तरूपमा प्रशिक्षण प्रदान गरिएकाे प्रदेश कार्य समितिका सभापति भगिश्वर याेङहाङले हिलिहाङ डटकमलाई बताउनुभयो ।
यसरी नै भाेली असाेज ७गते हिलिहाङ गाउँपालिकास्तरिय अगुवा कार्यकर्ता प्रशिक्षण नेपाली काङ्ग्रेसको क्षेत्रीय कार्यालय हिलिहाङ-६,जाेरपाेखरीमा हुने र साे कार्यक्रमलाई प्रदेश कार्य समिति सदस्य तथा जिल्लाका सभापति रुपनारायण जवेगु तथा जिल्ला कार्य समितिका सदस्यहरु र प्रदेश”क”काे सभापति भगिश्वर याेङहाङ लगायतले प्रशिक्षण दिने बताइएको छ।
प्रतिक्रिया