काठमाडौं,किर्तिपुरस्थित त्रिवि क्रिकेट मैदानमा सन्चालित आइसिसि वल्डकप सिरिज दुई क्रिकेट प्रतियाेगितामा आज नेपालले पपुआ न्यूगिनिलाई मात्र ४६ वलमा ९ विकेटको विश्व किर्तिमानकाे साथ पराजित गरेकाे छ।
नेपालले पिएनजीले दिएकाे ९६ रनकाे लक्ष्य १ विकेटको क्षतिमा २५४ बल बाँकि छदै भेटेर एकदिवसीय क्रिकेटमा किर्तिमानि हार चखायाे।नेपालकाे जितमा आरिफ शेखले २१ बलमा ५३ रन,कुशल भूर्तेलले १४ बलमा ३३ रन र कुशल मल्लले १३ बलमा १२ रन बनाए।
यसअघि टस हारेर ब्याटिङ राेजेकाे पिएनजीले ३२ ओभरमा कप्तान असद भालाकाे २० रनकाे मद्धतले ९५ रन बनाएको थियाे।सेसेबाउले १८रन,अमिनीले १६ रन तथा हिरिहिरिले १४ रन बनाए।
सन्दिप लामिछानेले ५ विकेट,ललित राजवंशी र कुशल मल्लले २/२ विकेट तथा साेमपाल कामीले १ विकेट लिए।
प्रतिक्रिया