पाँचथर,शिक्षा विकास समन्वय एकाइ पाँचथरले शिक्षक सेवा आयाेगबाट सिफारिस भएका निमावि शिक्षकहरुलाई यहि माघ २२ गते स्थायी नियुक्ति पत्र दिने भएकाे छ। एक सुचना जारी गर्दै इकाइ प्रमुख युगमणि सवेहाङले सिफारिस भएका शिक्षकहरुलाई २२गते २:००बजे शिक्षा विकास समन्वय कार्यालय फिदिममा उपस्थित हुन जानकारी गराउनु भएकाे छ।
पालिकागत रुपमा कुम्मायक गाँउपालिकामा २ नेपाली १ सामाजिक गरेर ३ जना,तुम्वेवा गाँउपालिकामा १ अंग्रेजी २ सामाजिक गरेर ३ जना,फालेलुङ गाँउपालिकामा ४ अंग्रेजी ४ नेपाली र १ सामाजिक गरेर सबैभन्दा बढि ९ जना सिफारिस हुनुभएको छ।
उता फाल्गुनन्द गाँउपालिकामा भने २ नेपाली २ सामाजिक १ विज्ञान र १ गणित गरेर ६ जना,फिदिम नगरपालिकामा भने २ नेपाली २ सामाजिक र १ गणित गरेर ५ जना,मिक्लाजुङ गाउँपालिकामा २ अंग्रेजी २ नेपाली र २ सामाजिक गरेर ६ जना,याङवरक गाँउपालिकामा १ अंग्रेजी १ नेपाली १ सामाजिक १ विज्ञान गरेर ४ जना तथा हिलिहाङ गाँउपालिकामा भने १ सामाजिक १ गणित गरेर २ जना सिफारिस हुनुभएको छ।
प्रतिक्रिया