काठमाडौं,प्रतिनिधि सभा सदस्यकाे निर्वाचनमा स्याङ्जा-२ काे मतगणनाकाे पछिल्लो परिणाम अनुसार नेपाली काङ्ग्रेसको उप सभापति धनराज गुरुङले निरन्तर अग्रता कायम गरिरहनु भएकाे छ। हालसम्मको गणनामा गुरुङ नेकपा एमालेका पद्मा अर्यालभन्दा २,१६३ मतले अघि हुनुहुन्छ ।
उपसभापति गुरुङले १५ हजार ७२ मत प्राप्त गर्दा अर्यालले १२ हजार ९०९ मत प्राप्त गर्नुभयाे। तेस्रो स्थानमा राष्ट्रिय स्वतन्त्र पार्टीको टिकराज गुरुङले ५ हजार ९६२ मत पाउनुभयो ।
उता प्रदेशतर्फ स्याङ्जा-२(१) मा नेपाली काङ्ग्रेसको भाेजराज अर्यालले २ हजार ७३० मतान्तर सहित १५,१६१ मत प्राप्त गर्दै विजयी बन्नुहुँदा नेकपा एमालेकाे माेहन प्रसाद रेग्मीले १२,४३१ मत प्राप्त गर्नुभयो। प्रदेश-२(२) मा भने नेकपा एमालेकाे बुद्धिमान श्रेष्ठले २,३३६ मत सहित नेपाली काङ्ग्रेसको महेश भट्टराईकाे २,१४६ मत भन्दा १९० मतले अग्रता कायम गर्नुभएको छ।
स्याङ्जा-१(२) मा भने ६ मतले नेकपा एमालेका सुधिर कुमार पौडेलले नेपाली काङ्ग्रेसको बद्धि बहादुर रानालाई हराउनुभयाे। पौडेलले १७,४४१ मत प्राप्त गर्दा रानाले १७,४३५ मत प्राप्त गर्नुभयो ।
प्रतिक्रिया