सिक्किमका कवि सोनाम तामाङ मेरो कविताको विजयी

दमक । सर्वाधिक नगद राशीसहित नेपाली साहित्यिक रियालिटी शो ‘मेरो कविता- द रिदम अफ पोयट्रि’ को उपाधी सिक्किमका सोनाम तामाङले जितेका छन् ।

झापाको बेलडाँगीमा सम्पन्न  तिन लाख रुपैयाँ नगद पुरस्कार एवम् ट्रफी र प्रमाणपत्र सहित सिक्किमका कवि सोनाम तामाङ विजयी हुँदा  फस्ट रनर अप एक लाख तथा ट्रफि र प्रमाणपत्र सहित धरानका कवि प्रयोग हाङस्राङ बने ।

यसरी नै सेकेण्ड रनर अप ७५ हजार एवम् ट्रफि र प्रमाण पत्र सहित झापाका कवि डिल्लिराम चौधरी र थर्ड रनर अप ५० हजार तथा ट्रफि र प्रमाणपत्र सहित पाँचथरका सेसे थाम्सुहाङ भए ।

कार्यक्रममा बेस्ट पर्फमर, पब्लिक चोइस एवं राईजिङ कविको उपाधि बिनेस राई मिन्जाई र अनिस राईले प्राप्त गरेका थिए |

कविहरुलाई प्रमुख अतिथी नेपाल प्रज्ञा प्रतिष्ठानका कुलपति कवि भुपाल राईले पुरस्कार प्रदान गर्नु भएको थियो ।