काठमाडौं/ भारतको चिदम्बरम रंगशालामा आज भएको आइसिसि मेन्स टि ट्वान्टी वर्ल्ड कप वार्म अप खेलमा नेपालद्वारा क्यानाडा ६ विकेटले पराजित भएको छ ।
निर्धारित २० ओभरको खेलमा टस जितेको क्यानाडाले ६ विकेट गुमाउदै १६१ रन बनाएको थियो । उसको लागि नवनितले ४१ रन, श्रेयसले ३८ रन र कार्नपलले २५ रन जोडै । नेपालका लागि सन्दिप लामिछाने र कुशल भूर्तेलले २, २ विकेट र सोमपाल कामीले १ विकेट लिए ।
जवाफमा नेपालले १८ ओभरमा ४ विकेट गुमाउदै १६२ रन बनायो । नेपालका लागि आरिफ सेखले ५८ रन, सन्दिप जोवाले ४४ रन र गुल्सन झाले ३१ रन जोडे । क्यानाडाका ऐनजित सिंह, जसवरण सिंह र सादविन जाफरले समान १, १ विकेट लिए ।
प्रतिक्रिया