झापा – दशैको टिकाकै दिन झापाको बिर्तामोड नगरपालिका–६ बुट्टाबारीमा भएको बस दुर्घटनामा ३ जनाको मृत्यु भएको छ।
आज बिहान करिब ९:३० बजे पश्चिमबाट पूर्वतर्फ जाँदै गरेको सगरमाथा यातायातको यात्रुबाहक बस (प्रदेश १–०११–००१ ख ४४५९) अनियन्त्रित भई सडकबाट करिब ५ मिटर तल पल्टिँदा दुर्घटना भएको हो।
प्रहरीका अनुसार दुर्घटनामा एक पुरुषको घटनास्थलमै मृत्यु भएको छ भने अन्य दुईजनाको अस्पताल लैजाने क्रममा मृत्यु भएको हो। जिल्ला प्रहरी कार्यालय झापाका अनुसार दुर्घटनामा इटहरी–११ का ४६ वर्षीय दिनेशकुमार भट्टराई र रंगेली–२ का ४२ वर्षीय राजकुमार चौधरीको मृत्यु भएको हो । चौधरी बसको कन्डक्टर हुन् । एकजनाको पहिचान खुलेको छैन । पुरुषको सनाखत भने हुन सकेको छैन।
दुर्घटनामा एक दर्जनभन्दा बढी सोह्र यात्रु घाइते भएका छन्। घाइतेहरूलाई प्रहरी र स्थानीयवासीले उद्धार गरी बिएनसी मेडिकल कलेजमा उपचारका लागि पठाइएको जिल्ला प्रहरी कार्यालय झापाका प्रमुख प्रहरी उपरीक्षक राजन लिम्बुले बताए
दुर्घटनाको कारणबारे थप अनुसन्धान भइरहेको प्रहरीले जनाएको छ।
प्रतिक्रिया