काठमाडौं, युइएफए नेसन्स लिगको फाइनलमा गतराती ट्राइबेकरमा पोर्चुगलद्वारा स्पेन ५-३ ले पराजित भएको छ ।
जर्मनीको म्युनिख स्थित एलियाज एरिनामा भएको फाइनल खेलमा निर्धारित र थपिएको समय २-२ गोलको बराबरीमा सकिएपछि खेल ट्राइबेकरमा पुगेको थियो ।
यसअघि स्पेनका मार्टिन जुबेमेन्दीले २१ मिनेटमा रोबर्टो मार्टिनेजको पासलाई गोल गर्दै स्पेनलाई अग्रता दिलाए । तर अग्रता धेरै समय टिकेन । ५ मिनेट पछि नै पोर्चुगलका १७ वर्षिय नुनो मेन्टेजले २० मिटर टाढाबाट ओस्कार मिङगुजाको सटिक पासलाई स्पेनिस पोष्टमा सहजै छिराउदै बराबरी गोल गरे । यो उनको पहिलो अन्तराष्ट्रिय गोल हो ।
४५ मिनेटमा स्पेनका मिकेल ओर्जाबेलले डियगो कोस्टाको पासमा सटिक गोल गर्दै २-१ को अग्रता दिलाए । ६१ मिनेटमा क्रिस्टियानो रोनाल्डोले फ्रि किकमा गोल गर्दै स्कोर २-२ को बराबरीमा पुर्याए । यो उनको १३८ औ अन्तर्राष्ट्रिय गोल थियो ।
यसपछि थपिएको ३० मिनेटको समयमा कुनै गोल नभएपछि खेल ट्राइबेकरमा पुगेको थियो ।
ट्राइबेकरमा स्पेनका मोराटाको चौथो पेनाल्टी बचाएपछि पोर्चुगलले ५-३ ले खेल जित्यो । पोर्चुगलका रामोस, भिटिना, ब्रुनो, मेन्डेस र नेभे पाँचैजनाले गोल गर्दा स्पेनका मेरिनो, बैना र इस्कोले गोल गरेका थिए ।
प्रतिक्रिया