हिलिहाङ। पाँचथरको फिदिम नगरपालिका र हिलिहाङ गाँउपालिकाको बिचमा रहेको हेवाँ र फेमे खोलाको दोभानमा प्रकृति पुजाको कार्यक्रम गरिने भएको छ । लामो समय देखि हेवाँ र फेमे खोला आसपासको प्राकृतिक वातावरणमा असर पर्ने गरी भइरहेका गतिबिधीप्रति बैद्धिक सनातन बिधि अनुसार माफी माग्न लागिएको हो ।
नेपाल पत्रकार महासंघ पाँचथरको सभाहलमा बुधवार पत्रकार सम्मेलनको आयोजना गरी माघ ५ देखि १२ गतेसम्म क्षमा पुजा गर्ने जानकारी दिईएको हो । फिदिम ११ स्थित हेवाँ र फेमे खोलाको दोभान क्षम पुजा गर्ने तयारी गरिएको आयोजक समितिका संयोजक तीलबिक्रम इधिङ्गोले जानकारी दिए । सडक, पुल, भवन सहितका भौतिक निर्माणका क्रममा प्रकृतिमा भएको क्षति प्रति माफी माग्ने उद्धेस्यले यस्तो कार्यक्रमको आयोजना गर्न लागिएको हो ।
गत असोज दोस्रो साता हेंवा र फेमे खोलामा आएको बाढीले दर्जन बढी मानिहरुको ज्यान लिएको थियो । पक्कि पुल सहित सयौं रोपनी खेतीयोग्य जमिन बगरमा परिणत गरेको छ । हेंवा खोलाको मेची राजमार्गमा पर्ने पक्की पुल बाढीले बगाएपछि हाल अस्थाई डाईभर्सन मार्फत सवारी साधन वारपार गरिरहेका छन् ।
आयोजक समितिका सदस्य सचिव शुभराज थापाका अनुसार यो बिशुद्ध प्राकृतिक पुजा हो । मानिसले प्रकृतिसँग जानेर नजानेर गरेका गल्ती प्रतिको याचनाका लागि यो कार्यक्रम गर्न लागिएको हो । कार्यक्रममा एक लाख २५ हजार हवन, सामुहीक ध्यान, भागवत र बरुण पुराणको पारायण हुनेछ । हवनका लागि मात्रै १ क्यून्टल ८० किलोग्राम तिल तयारी गरिएको जनाईएको छ ।
प्रतिक्रिया