बिहान ६ बजेर ५१ मिनेटमा केन्द्रविन्दु नेपाल र चीनको सीमानाको दिंगे क्षेत्र भएको ७ रेक्टर स्केलको भूकम्पको धक्का

काठमाडौं- नेेपाली समयअनुसार मंगलबार बिहान ६ बजेर ५० मिनेटमा भुकम्प गएको भूकम्प मापन केन्द्रले जनाएको छ । सो भुकम्पको केन्द्रविन्दु चीनको सिगात्से नजिकैको दिंगे रहेको र भूकम्पको केन्द्र जमिन भन्दा करिब ९० किलोमिटर भित्र रहेको पनि मापन केन्द्रले जानकारी दिएको छ।

भूकम्पका कारण मानिसहरु घरबाहिर निस्केका थिए। पाँचथरमा त एकाबिहानै मानिसहरु सह सह भन्दै चिच्याइरहेका थिए ।

विर्तामोडमा भने मानिसहरु सडकमा निस्किएका थिए ।

काठमाडौँ, ललितपुर, भक्तपुर, धादिङलगायतका क्षेत्रमा भूकम्पको धक्का  महसुस भएको थियो।

लामो समयावधि भएका कारण भूकम्पको धक्काले ठूलो संख्यामा मानिसहरु घरबाहिर निस्केका थिए।

ठूलो रेक्टरको भूकम्पको कारण चीनमा क्षति भएको हुन सक्ने जनाइएको छ । भूकम्पको कारण  क्षति भएका घरहरुको फोटो सामाजिक सन्जालमा आएपनि क्षतिको पूर्ण  विवरण भने आइसकेको छैन् ।