हिलिहाङ । पाँचथरको हिलिहाङ गाँउपालिका- ६, भारपा स्थित मेची राजमार्गमा ट्रक दुर्घटना हुँदा एक जनाको घटनास्थलमै मृत्यु भएको छ । ट्रक चालकसहित दुई जना घाईते भएका छन् ।
हिलिहाङ २ सिंगापुरबाट गोलिया बोकेर झापातर्फ जाँदै गरेको ना ४ ख ७१२३ नम्बरको ट्रक भारपामा दुर्घटना भएको हो । गति अनियन्त्रित हुँदा सडकबाट करिब ५० मिटर तल ट्रक झरेको प्रहरीको भनाई छ ।
दुर्घटनामा परेर हिलिहाङ ३, साम्रे निवासी भवानी शंकर पौडेलको मृत्यु भएको हो ।
इलाम सुर्योदय नगरपालिका १२ निवासी ५२ बर्षीय तेजबहादुर दास र ट्रक चालक झापा चारपाने निवासी ४० बर्षीय राजकुमार बस्नेत गम्भिर घाईते भएका छन् ।
घाईतेहरुको पाँचथर अस्पतालमा उपचार सम्भव नएपछि झापा रेफर गरिएको जिल्ला प्रहरी कार्यालय पाँचथरका प्रहरी निरिक्षक बिनालाल साह तेलीले जानकारी दिनुभयो ।
प्रतिक्रिया