काठमाडौं, भरखरै दशरथ रंगशालामा सम्पन्न साफ महिला च्याम्पियनसिप फुटवलको सेमिफाइनलमा परम्परागत प्रतिद्वन्द्वी भारतलाई पेनाल्टी सुटआउटमा ४-२ ले हराउदै नेपाल फाइनलमा पुगेको छ । नेपालको जितमा गोलकिपर अन्जना रानामगरले भारतको चौथो पेनाल्टी बचाइन्।
यसअघि एकसय चौहत्तर मिनेटसम्म चलेको खेलमा १-१ को बराबरीमा सकिएको थियो । खेलको दोश्रो हाफको ५१ मिनेटमा रेडकार्ड पाएर रेखा पौडेल बाहिरिएपछि ७० मिनेटमा भारतले अग्रता लिएको थियो । एक मिनेटपछि नै नेपालले फर्काएको गोललाई मान्यता नदिएपछि दर्शकको होहल्लाले १३७ मिनेटसम्म खेल स्थगित भएको थियो। नेपालको सावित्रा भण्डारीले प्रिती राईको पासमा ३ मिनेटपछि १४० मिनेटमै गोल फर्काइन् ।
पछि थपिएको समयमा समेत गोल नभएपछि खेल ट्राइबेकरमा पुगेको थियो ।भारतका लागि क्याप्टेन आशालतादेविले शुरुमा पेनाल्टी मिस प्रहार गरेको खेलमा नेपालको सावित्रा भण्डारीले गोल गरिन्। भारतका लागि मनिसा कल्याण र नेपालका गिता रानाले गोल गरेपछि स्कोर २-१ र तेश्रो प्रहार गरेका भारतका अन्जना देशाइ र नेपालका सविता रानाले गोल गरेपछि नेपालले स्कोर ३-२ बनायो भने भारतका लागि चौथो प्रहार रन्जना चामुको नेपाली गोलकिपर अन्जना रानाले बचाइन् भने नेपालका चौथो प्रहार अमिषा चौधरीले गोल गरेपछि स्कोर ४-२ बन्यो ।
अब नेपालले फाइनलमा बंगलादेशको सामना गर्नेछ। आजै भएको पहिलो सेमिफाइनलमा बंगलादेशले भुटानलाई ७-१ ले हराउदै फाइनल प्रवेश गरेको हो ।
प्रतिक्रिया