पाँचथर,फालेलुङ गाउँपालिका ५ नं.वडा लुम्मादिन पुछारमा पहिरो गएको छ । फालेलुङ गाउँपालिका ३ नं. वडा मच्छेबुङ र ५ नं.प्राङबुङ जोड्ने मच्छेबुङ-लुम्मादिन-डम्फुचोक-प्राङबुङ-भैसे-सुर्केथाम-चारराते मोटरबाटो अन्तरगत लुम्मादिन पुछारमा आज बिहान ५ बजेको समयमा गएको पहिरोले बगाएको कारण सो सडक पूर्णरुपमा बन्द भएको छ । उक्त मोटरबाटो तत्काल खोल्न नसक्ने अवस्था भएकोले सरोकारवाला सबैमा असुविधा पर्न गएको वडाध्यक्ष भरत कुमार खपाङ्गी मगरले बताउनु भएको छ ।
उहाँको अनुसार सो पहिरोले सोही स्थानका सन्तोष कुमार केरुङको घर उच्च जोखिममा रहेकोले छिमेकी नरेन्द्र केरुङको घरमा सरी सक्नु भएको छ । सो पहिरोले सन्तोष कुमार केरुङको बाख्राको सुधारिएको गोठ र गोरु बाँध्ने गोठ पूर्णरुपमा ध्वस्त भएको छ भने मानवीय तथा पशु चौपाया क्षति भएको छैन ।
त्यस्तै फालेलुङ गाउँपालिका ५ नं.वडाकै हात्तिखेम्बा पुछारका पदम बहादुर ज्ञाङ्मी मगर (मारुनी माहिला)को घर पहिरो कै कारण चिरा-चिरा परेको हुँदा उच्च जोखिममा रहेकोले आजै छिमेकी कृष्ण बहादुर ज्ञाङ्मीको घरमा सरी सक्नु भएको छ ।
प्रतिक्रिया