काठमाडौं, किरात याक्थुङ चुम्लुङ बेल्जियम शाखाले किरातीहरुको महान चाड सिसेक्वा तङनाम, साउने संक्रान्ती २०८१ भव्यतापूर्वक मनाएको छ ।
किरात याक्थुङ चुम्लुङ बेल्जियम शाखाको अध्यक्ष बदन योङहाङको अनुसार आन्टर्वप बेल्जियममा किरात याक्थुङ चुम्लुङ बेल्जियम र किरात याक्थुङ चुम्लुङ जर्मनीको संयुक्त आयोजनामा विभिन्न कार्यक्रमसहित शुभकामना आदानप्रदान गरियो ।
उहाँको अनुसार सो अवसरमा फ्रेन्डसिप फुटबल, च्याब्रुङ नाच, धाननाँच, हाक्प्पारे र ताप्के प्रदर्शन गरिएको थियो ।
कियाचु बेल्जियमको अध्यक्ष बदन योङहाङको अध्यक्षतामा संचालित सो कार्यक्रममा प्रमुख अतिथि बेनेलक्सका महामहिम नेपाली राजदुत गेहेन्द्रराज भन्डारी, विशिष्ट अतिथीमा जर्मनीका फेदाङ्मा हिमाल सुब्बा र बिशेष अतिथिमा एनआरएन बेल्जियमका अध्यक्ष सीता साप्कोटा र नेपाल आदिवासीजनजाति संघ बल्जियमका अध्यक्ष वीरमान मगर हुनुन्थ्यो । पेमावती लिम्बूले स्वागत मन्तव्य गर्नुभएको सो कार्यक्रम व्यवस्थापन मोहन कुरुम्बाङलेगर्नुभएको थियो ।
सबै जातिय संस्थाको अध्यक्षहरु प्रतिनिधि रहेकाे सो कार्यक्रम कियाचु बेल्जियमका सचिव कला इधिङ्गोले सन्चालन गर्नु भएको थियोे । फुटबलमा भने एनएफसि डर्ने प्रथम र कोभिड-१९ दोश्रो हुंदा च्याब्रुङ, धाननाँच र हाक्पारेमा बेल्जियम र जर्मनीको तीन सय पचासबढि सहभागी हुनुहुन्थ्यो ।
प्रतिक्रिया