काठमाडौं, अविरल वर्षापछि आएको पहिरोमा परेर लमजुङमा चारजना बेपत्ता भएका छन् । पहिरोले कल्होसोथार गाउँपालिका वडा नं ३ बगुममा तीन घर बगाउदा सो घटना भएको जिल्ला प्रहरी कार्यालय लमजुङले जनाएको छ ।
लमजुङको प्रहरी निरिक्षक मेघराज चापागाईंको अनुसार पहिरोमा परेर स्थानिय रुद्रमणि गुरुङ र उनको बुहारी पन्चकुमारी गुरुङको घर बगेको हो।
पहिरोमा परेर रुद्रमणि गुरुङ, उनको बुहारी पन्चकुमारी गुरुङ अनि पन्चकुमारीको दुई छोरी नम्रता र इच्छा बेपत्ता भएका हुन् ।
गतराती एकबजे घरमाथिबाट आएको पहिरोले घरगोठ पुरेको लमजुङ प्रहरीले जनाएको छ।
प्रतिक्रिया