काठमाडौं, साउदी अरबमा आज बिहान भएको विश्वकप फूटबलको दोश्रो चरणको छनोट खेलमा नेपालले ओमानसंग २-२ गोलको बराबरी खेल्दै १ अंक जोडेको छ।
खेलको अन्तिम समयसम्म २-१ को अग्रता लिएको नेपाल इन्जुरी समयको अन्तिम मिनेटमा सम्हालिन नसक्दा ओमानले बराबरी गोल गरेको थियोे ।
कप्तान किरण चेम्जोङको सयौं कप्तानी रहेको सो खेलमा खेलको ९ मिनेटमा पेनाल्टीमा ओमानका नासिद अहमदले पहिलो गोल गरेका थिए भने २२ मिनेटमा नेपालका सन्जिव विष्टले बराबरी गोल फर्काए ।
खेलको ६६ मिनेटमा जिलेस्पी कार्कीले नेपाललाई अग्रता दिलाएपछि जिततर्फ उन्मुख नेपाललाई दोश्रो हाफको इन्जुरी समयको अन्तिम मिनेटमा ओमानले गोल फर्काउदै बराबरीमा रोक्यो ।
प्रतिक्रिया