पाँचथर, पाँचथरको हिलिहाङ-७, सल्लेरीमा भएको जिप दुर्घटनामा चौध जना घाइते हुनुको साथै सो मध्ये नौ जना गम्भीर घाइते भएका छन् । पाँचथर प्रहरीको अनुसार ताप्लेजुङको पाथिभरा दर्शन गरेर फर्कदै गरेको मे.१ ज १९४७ नं को टाटा सुमो अनियन्त्रित भएर सडकबाट पचास मिटर तल झरेको हो ।
गम्भीर घाइते हुनेहरुमा चालक उदयपुर त्रीयुगाका प्रविण दनुवार, ताप्लेजुङ मिक्वाखोला-२ का, चन्द्रप्रसाद थापा, फुङलिङ-३ का, कमला र उनको छोरी तुलसा रसाइली, मेचीनगर-६, झापाका वन्दना भण्डारी र उनका छोराछोरी प्रसान र प्रसना सुवेदी छन् ।
गम्भीर घाइतेको झापामा र सामान्य घाइते ५ जनाको पाँचथरमा उपचार भइरहेको जनाइएको छ।
प्रतिक्रिया