काठमाडौं , शिक्षक सेवा आयोगले गत चैत्र २ गते लिएको मावि तहको शिक्षकको प्रथम पत्रको परिक्षाको नतिजा आज सार्वजनिक गरेको छ ।
देशभरका सातै प्रदेशका ३६ हजार ४२६ जनाले परिक्षा दिएकोमा १२ हजार ७४० जनाले पास गरेको आयोगले जनाएको छ जुन् ३४.९७ प्रतिशत हो ।
सबैभन्दा बढि ९ हजार १४१ जनाले परिक्षा दिएको कोशी प्रदेशबाट २ हजार ८४७ जनाले उत्तिर्ण गरेका छन् भने मधेशका २ हजार ८१ जनामा ५०२ जना सफल भएका छन् ।
बागमती प्रदेशबाट सहभागी भएका ७ हजार ३८२ जनामा २ हजार ७२२ जना सफल हुंदा गण्डकीबाट ३ हजार ४४२ जना सफल भएका छन् जहाँबाट ८ हजार ५०० जना सहभागी थिए ।
उता लुम्बिनी,कर्णाली र सुदुर पश्चिम प्रदेशबाट भने क्रमश: १ हजार ५६८, ८०० र ८५९ जना सफल हुनुभएको छ । ति प्रदेशहरुबाट ४ हजार १६८, २ हजार ८५५ र २ हजार २९९ जनाले परिक्षा दिएको बताइएको छ ।
बिषयगत परिक्षा भने यहि २०८१ साल जेठ २६ गते हुने बताइएको छ ।
प्रतिक्रिया