काठमाडौं,शिक्षक सेवा आयोगले माध्यमिक तहको ४३६ जना शिक्षकहरुको विज्ञापन गरेको छ।माग गरिएको शिक्षकहरुमा सबैभन्दा बढि विज्ञान विषयमा १२४ जना र कम संस्कृत ब्याकरण र कम्प्युटरमा ३,३ जना रहेका छन्।
विषयगत रुपमा भने नेपालीमा ६७ जना रहेका छन्।कोशी प्रदेशमा १२ खुलासहित २३ जना,मधेशमा ४,बागमतीमा ८,गन्डकीमा २१,लुम्बिनीमा ५,कर्णालीमा ६ र सुदुरपश्चिममा १ जना रहेका छन्।
अंग्रेजीमा भने ७९ जना रहेको र कोशी,मधेश,बागमतीमा क्रमश:२३,२ र १७ जना रहेका र गण्डकी,लुम्बिनी,कर्णाली र सुदुर पश्चिममा १५,५,८ र ९ जना माग गरिएको छ।
गणितमा ८५ माग गरिएकोमा सबैभन्दा बढि गण्डकीमा १४ खुलासहित २५ जना,कोशीमा १३ खुलासहित २३ जना,बागमतीमा १२ खुलासहित २१ जना,मधेसमा २ जना,लुम्बिनीमा १० जना,कर्णालीमा १ जना र सुदुरपश्चिममा ३ जना रहेका छन्।
सबैभन्दा बढि १२४ माग गरिएको विज्ञानमा भने कोशीमा १५ खुलासहित २७ जना,बागमतीमा १२ खुलासहित २१ जना,गण्डकीमा १७ खुलासहित ३१ जना,कर्णाली,लुम्बिनी,मधेश र सुदुर पश्चिममा क्रमश:१०,१८,८ र ९ जना रहेका छन्।
सामाजिकमा ५३ जना माग गरिएकोमा कोशी,मधेश,बागमती र गण्डकीमा ११,७,१० र १६ जना छन् । उता लुम्बिनी,कर्णाली र सुदुर पश्चिम प्रदेशमा भने १६,४ र ५ जना मागिएको छ।
अर्थशास्त्रमा ७ जना,लेखामा १५ जना माग गरिएको आयोगले जनाएको छ।
अनलाइन फर्म भर्ने अन्तिम म्याद २०८० माघ ८ सम्म र परीक्षा २०८० साल चैत ३ गते हुने बताइएको छ।
प्रतिक्रिया