काठमाडौं,शिक्षक सेवा आयोगले गत कार्तिक १८ गते संचालन गरेको निमावि तहको शिक्षण अध्यापन अनुमतिपत्रको नतिजा सार्वजनिक गरेको छ। देशभरका १ लाख ५१ हजार १२ जनाले परिक्षा दिएकोमा १३ हजार ७ जना पास भएका छन् जुन ८.६१ प्रतिशत हो।
कोशी प्रदेशबाट सहभागी २४ हजार ३९ जनामा २ हजार १ सय ३० जना सफल भए जुन ८.८६ प्रतिशत हो ।मधेशबाट सहभागी २२ हजार ८५५ मा १ हजार ६१४ जना सफल छन् जुन ७.०६ प्रतिशत हो।उता सबैभन्दा बढि ११.३४ प्रतिशत २ हजार २ जना बागमती प्रदेशबाट सफल भए जहाँ १७ हजार ६५१ जना परिक्षामा सामेल भएका थिए।
गन्डकीबाट ११ हजार ८९७ परिक्षार्थीमध्ये १ हजार १५२ सफल भए जुन ९.६८ प्रतिशत हो।लुम्बिनी प्रदेशका २९ हजार २३० परिक्षार्थीमध्ये २ हजार ८३० जना उत्तिर्ण हुंदा ९.७९ प्रतिशत रह्यो। कर्णालीबाट २४ हजार १५४ जनामा १ हजार ५७४ जना र प्रतिशतमा ६.५२ रहदा सुदुरपश्चिम प्रदेशका २१ हजार १८६ परिक्षार्थीमा ७.८९ प्रतिशत र १ हजार ६७२ जना सफल भएको आयोगले जनाएको छ।
प्रतिक्रिया