पाल्पा,बडादशैको आठौं दिन पाल्पामा भएको जिप दुर्घटनामा परेर एउटा शिक्षक परिवारको ६ जना सदस्यहरुको दु:खद निधन भएको छ।नवलपरासीको देवचुली नगरपालिका -१६ का देवचुली माविका शिक्षक ईश्वरबहादुर लोहनीले फुुलपाती पछि परिवारलाई पाल्पाको रानीमहल घुमाउन लगेको जीप दुर्घटनामा पर्दा दुई छोरा,बाबुआमा,श्रीमती र सासुआमा गुमाएका छन् भने उनी आफै पनि गम्भीर घाइते भएका देवचुली-१६ का वडाध्यक्ष केशवप्रसाद गौतमले बताए ।
गतराती दुर्घटनामा परेको बागमती प्रदेश ७२०९ नं को सो जीप ३६ वर्षिय लोहनीले आफै हाकेको थिए।दुर्घटनामा उनको श्रीमती ३५ वर्षिया सविना धिताल,छोराहरु ११ वर्षिय सोवित धिताल र साढे २ वर्षको छोरा,सासू ५५ वर्षिय चुना धिताल,बाबुआमा ६५ वर्षिय कृष्णबहादुर लोहनी र ५५ वर्षिया पार्वती लोहनीको दु:खद निधन भएको हो।
सप्तमीपछि महानवमी सम्म पाल्पा घुम्ने योजना बनाएको जीप रानीमहल घुमेर फर्कने क्रममा तानसेनको बैकुण्ठे छाङ्गो बराङ्दी खोचमा खसेको थियो।
प्रतिक्रिया