हमासकाे आक्रमणमा परेर इजरायलमा दस नेपाली विद्यार्थीहरुकाे मृत्युु

काठमाडौं,हमास समूहकाे आक्रमणमा परेर इजरायलमा दस जना नेपाली विद्यार्थीहरुकाे निधन भएकाे छ।आज इजरायलकाे लागि नेपाली राजदुत कान्ता रिजालले साे कुराकाे पुष्टि गर्नुभयो । निधन हुने विद्यार्थीहरु सुदुरपश्चिम विश्वविद्यालयका रहेकाे बताइएको छ।

निधनहुनेहरुमा घाेडाघाेडी कैलालीका नारायणप्रसाद न्यौपाने,बौनिया कैलालीको आशिष चौधरी,जयपृथ्वी बझाङका गणेशकुमार नेपाली,लेकम दार्चुलाका दिपेशराज विष्ट,सपही धनुषाका आनन्द शाह,मधुवन सुनसरीका राजेशकुमार स्वर्णकार,पचनाली डाेटीका राजन फुलारा,रानीखाल डोटीकै पदम थापा,शारदा सल्यानका प्रवेश भन्डारी र मलिकार्जुन दार्चुलाको लोकेन्द्रसिंह धामी छन्।

उता शारदा सल्यानका विधान सेजवाल,दङ्गिशरण दाङका प्रविण डागी,टिकापुर कैलालीका धनबहादुर चौधरी,गाेर्खाका हिमांचल कट्टेल घाइते छन्।

त्रिवेणी सल्यानका प्रमाेद केसी र भजनी कैलालीका विरेन्द्र चौधरी सकुशल छन् भने भिमदत्त कन्चनपुरका विपिन जाेशी सम्पर्कमा नरहेकाे बताइएको छ।