शिक्षक र सरकारबिच वार्ता मिल्याे,राेकियाे सडक आन्दोलन

काठमाडौ,आन्दोलनरत शिक्षकहरु र सरकारबीच अन्तत: वार्ता भएपछि छ बुंदे सहमति भएको  छ।वार्तापछि शिक्षकहरुले आन्दोलन फिर्ता लिनेभएका छन्। नेपाल सरकारकाे तर्फबाट शिक्षासचिव शुरेश अधिकारी र आन्दोलनरत शिक्षकको तर्फबाट नेपाल शिक्षक महासंघको अध्यक्ष कमला तुलाधरले हस्ताक्षरित संयुक्त विज्ञप्ति सार्वजनिक गरिएको छ।

सहमतिमा शिक्षकलाई मर्यादाक्रममा राख्ने,कारवाही सम्बन्धमा पुनरावलोकन गर्ने,पालीकाभरी सरुवामा प्रअ र विब्यसकाे सहमति लिने,दशवर्षे आवधिक बढुवा तथा मावि विशिष्टमा पाँच वर्षे सेवाअवधि लगायतका कुराहरु छन्।

यसरी नै साविक उच्चमावि,राहत,अनुदानकाेटा लगायतमा एकपटकलाई ७५% आन्तरिक प्रतिष्पर्धा,सेवाप्रवेश चालीस वर्ष,विद्यालय कर्मचारी दरवन्दी लगायतका विषयमा सहमति भएकाे बताइएको छ।